నీ జ్ఞాపకాలు

కన్నీళ్ళతో చెరిగిపోని శిలాక్షరాలు
కాలం మలాముతో ఎన్నటికీ మానని గాయాలు
నీ జ్ఞాపకాలు

మళ్ళీ మళ్ళీ తిరిగొచ్చే కెరటాలు
లోతుల్లోకి లాక్కెళ్ళే ఉప్పునీటి సుడులు
నీ జ్ఞాపకాలు

నలుగురిలో కన్నీటి ఆనవాళ్ళు
ఒంటరితనంలో గులాబి ముళ్ళు
నీ జ్ఞాపకాలు

జోకొట్టే జోలపాటలు
నిద్రనుచెరచే అలజళ్ళు
నీ జ్ఞాపకాలు

జేబులో తడిచిన రుమాళ్ళు
గుండెల్లో పేలే తుపాకీ గుళ్ళు
నీ జ్ఞాపకాలు