Revelation

క్షణానికోలా మారిపోయే నీకంటే
ఎప్పటికీ స్థిరంగా నిలిచుండే నీఊహంటేనే ఇష్టం
నీలోనిమార్పుల్ని పట్టిచ్చే నీచిత్తరువులంటేనే ఇష్టం
నీటిమూటల్లాంటి నీ బాసలకంటే
శిలాక్షరసామ్యంగా నిలిచిపోయే లేఖలంటేనే ఇష్టం
సమాధిలోకి తోడొచ్చే నీజ్ఞాపికలంటేఇష్టం
గుచ్చుకొని గాయపెట్టే నీ మాటలకంటే
తియ్యగా బాధించే నీమౌనం ఇష్టం
నాకోసం ఇంకెన్నటికీ నువ్వు పాడని పాటలిష్టం
ఓ కౄరురాలా! నిజమైన నీకంటే
అందమైన నీజ్ఞాపకం ఇష్టం
చీరపల్చని నీస్నేహం ఇష్టం
వేధిస్తున్న వర్తమానం కంటే
భయంగొల్పుతున్న భవిష్యత్తుకంటే
నీస్థాయికెదిగిన నాగతం నాకిష్టం
దగ్గరయి నిర్లక్ష్యించబడేకంటే
దూరమైనా నీమన్నన నాకిష్టం
---------------X-----------------